euprava.gov.rs

Synimi dhe qëllimi i Ballkanit të Hapur

Ballkani i Hapur është një nismë rajonale e Republikës së Serbisë, Republikës së Shqipërisë dhe Republikës së Maqedonisë së Veriut për krijimin e një zone ekonomike me qëllim rritjen e tregtisë dhe bashkëpunimit, si dhe përmirësimin e marrëdhënieve të ndërsjella dypalëshe. Marrëveshjet e nënshkruara në Tiranë më 21 dhjetor 2021 synojnë heqjen e barrierave që pengojnë tregtinë dhe lëvizjen e lirë të qytetarëve, si dhe mundësojnë përdorimin e shërbimeve elektronike në kuadër të nismës.

Në kuadër të përdorimit të shërbimeve elektronike, tani për tani veçojmë dy shërbime:

1. Numri i identifikimit i Ballkanit të hapur si shërbim i dedikuar për qytetarët e Republikës së Serbisë. Marrja e numrit të identifikimit të Ballkanit të hapur siguron që, duke përdorur identitetin elektronik në Portalin e Qeverisjes elektronike, të mund të përdorni shërbimet elektronike në kuadër të nismës Ballkani i Hapur në portalet zyrtare të eQeverisjes së Republikës së Shqipërisë dhe Republikës së Maqedonisë së Veriut.

2. Miratimi për Akses të Lirë në Tregun e Punës si shërbim i dedikuar për shtetasit e Republikës së Shqipërisë dhe Republikës së Maqedonisë së Veriut që kanë numra ID për Ballkanin e Hapur.

Për të ushtruar të drejtat tuaja dhe për të përdorur shërbimet e disponueshme në kuadër të kësaj nisme, aktivizoni numrin tuaj ID të Ballkanit të Hapur.